Friday, 2 February 2018

Usaha Suda, Doa Suda, Tinggal Nasib...



TRIO gempar, Mang Bon, Mang Yat kek Wak Utet, pagi-pagi ko la bekumpul pada warung teh kocok Wak Utet di belakang Bang Mego. Wak Utet yang lagi riang, langsung ngeluarkan pisang kek tahu goreng, bonus untuk mandan-mandannyo tu. Apo hal dak, pepagi la gempar nian? Nah ngapo Wak Utet riang nian pulo?

Oh, ruponyo gegara Ryass Randa, putra daerah Rejang Lebong ko, tepili jadi duta dangdut yang mewakili Propinsi Bengkulu, kelak. Randa kelak lomba kek duta-duta lain dari seluru Indonesia, yang mewakili propinsi masing-masing.

"Kami sekaluargo tadi malam seru nian nonton, Wak. Anak-anak aku idak endak tidur karno ndak nonton Randa kek Agung," kato Mang Bon.

"La samo jugo kek aku. Cuman bini aku tidur, tipi yang nonton nyo. Pas acara la abis, mara-mara nyo ngapo idak dibangunkan. Padahal la aku bangunkan bekali-kali," kato Mang Yat laju tekikik-kikik. Man Yat kek Wak Utet laju tekikik pulo.

"Aku jugo, idak ndak nian lewat eh. Bukan apo-apo, anak-anak kito ko duo orang yang ikut, la menyisikan ribuan peserta dak, sampai akhirnyo tepili limo orang untuk diambik satu orang. Sampai di konser tadi malam ajo rasonyo la padek nian eh. Aku bangga nian selaku orang Rejang Lebong," kato Wak Utet. Mang Bon kek Mang Yat ngangguk setuju.

"Tapi cak itula namonyo kompetisi dak. Ado yang menang, ado yang kala. Ado yang betahan, ado yang tersisi. Karno cuman satu yang harus dipili. Usaha suda, doa suda, tinggal nasib. Tapi aku yakin la, apo yang Randa kek Agung dapek tu, itu la yang terbaik. Mintak-mintak Agung idak pata semangat. Randa jugo jangan lengah, karno masi panjang yang ndak diikutinyo," tumben Mang Bon bijaksana pagi ko. 

"Betuuuul..." Mang Yat kek Wak Utet kompak. (**) 
  • Komentar via G+
  • Komentar via Facebook

0 komentar:

Item Reviewed: Usaha Suda, Doa Suda, Tinggal Nasib... Rating: 5 Reviewed By: Radar Pat Petulai