Sunday, 11 February 2018

Masala tu Diadok, Selesaikan, yang jantan lah


WAK Utet, Mang Bon kek Mang Yat, baru suda baco koran RPP di warung teh kocok Wak Utet di belakang Bang Mego. Sambil ngopi, makan lontong, ado cerito orang ilang yang dibahas trio gempar ko.
"Ngapo kini musim nian orang ngilang, dak," kecek Mang Yat.
"Itu la, iko cak yang berita di RPP, Warga Diresahkan Info Orang Hilang. Sebelumnyo ado jugo kan yang ilang, tapi sedi nyo tu, anak tu ditemukan la ninggal. Dibunu kek metenyo," kato Wak Utet.
"Kiro-kiro, apola sebabnyo? Biar dicari?" kato Mang Bon.
"Ado-ado ajo kau, Bon. Idak pulo ndak ngilang kalu ndak dicari, seh. Idak usa bayar-bayar utang ajo, pasti kau dicari-cari," kato Wak Utet. Mang Yat kek Mang Bon laju tekikik.
"Untung utang aku la lunas kek Wak Utet, Yat. Kalu idak, aku harus datang terus ke warung ko. Idak datang sehari, kecek Wak ngilang, kelak. Laju aku dicari-cari," kecek Mang Bon.
"Iyo, cubo kau ngilang idak ndak bayar utang. Sampai ujung dunia fana ko, aku cari," kato Wak Utet sambil megang sendok kayunyo, hihii.
"Mungkin ado masala dak. Jadi ngilang dulu," kato Mang Yat.
"Kalu ado masala, jangan ngilang. Idak kan selesai. Masala tu diadok, selesaikan, yang jantan lah," kecek Wak Utet.
"Lah benar tu, Wak. Justru kalu ngilang, namba masala lagi, dak," Mang Bon nanggapi.
"Jelas! Pasti! Suda nyo ngilang, keluargonyo bingung, kawan-kawannyo bingung. Nyo jugo apoka pas ngilang bisa idup tenang? Aku raso idak. Belum lagi dak, di luar ruma ko la jadi dunia yang berbahayo, apolagi untuk anak-anak gadis. Kecek anak mudo kini, jaman now. Kalu ado apo-apo, itu artinyo namba masala lagi, kan," kecek Wak Utet.
"Itu lah, eh. Aku takut jugo anak-anak kini ko. Makin berek tugas orang tuo dak. Jangan sampai la anak-anak aku main ngilang-ngilang ajo cak iko," kato Mang Yat.
"Iyo, makonyo sering-sering la ngobrol kek anak-anak. Ajak nyo tebuka kek kito. Anak-anak jugo ndak didengar baik-baik, apo maksudnyo, cak mano kendaknyo," kecek Mang Bon. (**)
  • Komentar via G+
  • Komentar via Facebook

0 komentar:

Item Reviewed: Masala tu Diadok, Selesaikan, yang jantan lah Rating: 5 Reviewed By: Radar Pat Petulai