Monday, 12 February 2018

Cak Api Disiram Bensin

Teh Kocok RPP
MANG Bon kek Mang Yat barusan mesan nasi uduk kek kopi itam. Ruponyo la duduk di warung teh kocok Wak Utet di belakang Bang Mego.
"Yat, kau tau kan kini sering nian orang beribut di pesbuk. Gara-gara satu duo kato, laju tesinggung, panjangla tali kelambu," kato Mang Bon.
"Iyo, kan ado berita di RPP, yang ujaran kebencian tu na, nyinggung SARA," kecek Mang Yat. Cacaam.. Mang Yat la idak kudet lagi kalu kecek anak jaman now tu. Malah la punyo akun pesbuk pulo kini. Ciaduurr.
"Itula. Isu SARA tu kan cepek nian bikin tesinggung, cak api disiram bensin. Makonyo ndak ati-ati nian kalu di media sosial tu. Jangan asal kecek ajo. Pakai mikir dulu biar idak bikin orang tesinggung," kato Mang Bon.
"Maksudnyo cerdas pakai media sosial. Kalu aku setuju nian kalu media sosial tu ngasih inpo yang bagus, bisa kasi kito motipasi, ngasi pencerahan, bikin kito tegelak. Bukan yang nyinggung SARA, bukan yang bikin orang jadi pane. Ujung-ujungnyo beribut idak keruan," lanjut Mang Bon.
Mang Yat ngangguk-ngangguk.
"Na, kalu aku senang nian baco yang lucu-lucu, Bon. Hiburan. Tapi aku cak orang gilo, gelak-gelak dewek di depan hape," kato Mang Yat.
"Sala nian kau, ngapo gelak dewek. Kalu gelak tu ajak bini atau anak-anak kau. Tapi biarla kau gelak sorang, Yat. Daripada kau bikin yang idak-idak di pesbuk. Lokak keluar galo isi kebun binatang orang banyak ko," kecek Mang Bon. Mang Yat tekikik.
"Idak pulo sering eh. Aku sebenarnyo jarang nian bukak pesbuk aku, cuman sesekali ajo," kecek Mang Yat.
"Biarpun kito punyo akun dewek, bukan berarti kito buli sekendak ajo. Karno kito harus hargoi, hormati, sopan, beretika biarpun cuman di dunia maya. Cak itu, Yat," kato Mang Bon. Mang Yat ngangguk setuju. (**)
  • Komentar via G+
  • Komentar via Facebook

0 komentar:

Item Reviewed: Cak Api Disiram Bensin Rating: 5 Reviewed By: Radar Pat Petulai