Tuesday, 6 February 2018

Aku Kecewa, Kecewa, Kecewaaa


WAK Utet lagi konsen baco berita di RPP tentang temuan ladang ganja. Tapi Wak Utet jengkel dewek, karno yang punyo belari pulo eh. "Ai, ngapo yang punyonyo ko bisa belari pulo seh," kecek Wak Utet sambil nunggu pelanggan datang ke warung teh kocoknyo di belakang Bang Mego tu.
Dak lamo, Mang Bon kek Mang Yat datang.
"Cacaaam.. Alangke seriusnyo, Wak," kato Mang Bon sambil narik kursi, laju duduk. Mang Yat duduk pulo di sebela Mang Bon.
"Iko na, kesal nian aku eh. Ladang ganja la diungkap, eeh, yang punyo ladang ko pakai belari. Laju idak dapek kan penjahatnyo," kato Wak Utet laju ngasikan koran RPP kek Mang Bon.
Mang Bon langsung baco jugo.
Pas la selesai.. "Mungkin pelaku ko la tau ado polisi, Wak. Makonyo cepek-cepek belari. Namonyo orang sala, Wak," kecek Mang Bon.
"Tengok, Bon," kato Mang Yat sambil ngambik koran RPP dari tangan Mang Bon, langsung baco pulo. Mang Yat kini idak nian endak ketinggalan inpormasi, kenai enyek kek Mang Bon kek Wak Utet. Mala kadang ditokok kek sendok kayu kek Wak Utet, hihii.
"Iyo, kan di koran tu kecek pak polisi sinyal hape ado. Mungkin la ado yang ngasi tau, laju langsung belari dak," kato Wak Utet, tapi mukonyo masi kesal.
"Sayang nian eh. Kalu yang punyo ladang ko dapek, tambah mantap," Mang Yat langsung nyambung.
"Nian tu, mati kamu, dak pacak lagi nanam ganja tu. Idok la penjara. Tapi cak itula, aku kecewa, kecewa, kecewaaa," kecek Wak Utet.
"Apo perlu aku ikut ngejar penja..."
"Dak usa, Waaaak!!" Mang Bon kek Mang Yat kompak. Wak Utet nyengir. (**)
  • Komentar via G+
  • Komentar via Facebook

0 komentar:

Item Reviewed: Aku Kecewa, Kecewa, Kecewaaa Rating: 5 Reviewed By: Radar Pat Petulai