Wednesday, 19 July 2017

Jangan-Jangan Kito Benapas, Laju Bayar Pulo

TEH KOCOK RPP
"CACAAM.. Dak ado nian yang gratis di dunia ko kini," Mang Bon begumam pas mbaco berita WC RSUD Jadi Ladang Setoran yang terbit di koran RPP.
Sambil makan pisang goreng di warung teh kocok Wak Utet di belakang Bang Mego, Mang Bon serius nian mbaco berita tu, sampai Mang Yat di depannyo, idak diijo.
"Apo nian yang dibaco tu, Bon?" tanyo Mang Yat sambil narik kursi, laju duduk dekek Mang Bon.
"Iko na, Yat. Kau perna dak masuk WC di ruma sakit laju disuru mbayar?" tanyo Mang Bon sambil nunjukkan berita tu.
"Maso pakai mbayar pulo, eh? Itu kan pasilitas pemerinta, Bon. Ado-ado ajo," kecek Mang Yat.
"Tadinyo aku jugo dak cayo. Tapi banyak jugo yang mbayar. Iko na, la diberitakan pulo kek RPP," kecek Mang Bon, laju ngasikan koran RPP kek Mang Yat.
Dak lamo tu..
"Iyo dak. Aiii! Maso nian cak iko?? Bukan masala duitnyo. Memang la idak seberapo, tapi betul nian yang jadi masala tu ngapo pulo di ruma sakit masi jugo dipungut duit. Meleset kerjo ko, Bon," kato Mang Yat, pas suda mbaco berita tu.
"Itula. Ado-ado ajo. Jangan-jangan kito benapas, laju bayar pulo," kato Mang Bon. Mang Yat tekikik.
"Gilo nian kalu sampai cak itu. Segalo bayar, mato mejam melek kendaknyo ndak pakai tarip jugo," kecek Mang Yat.
"Dak tau kito, Yat. Kini ko dikit-dikit pakai duit, apo-apo pakai tarip. Ndak besak, ndak kecik, duit, duit. Kau itung dewek, misalnyo tigo ribu satu orang, kalikan tigo pulu orang ajo yang ngasi, kalikan lagi sebulan. La berapo tu jadinyo. Mantap jugo, Yat," kato Mang Bon.
"Iyo dak, dikit-dikit jadi bukit kecek orang tu. Tapi itu kalu nabung. Enta kalu urusan tarip ko," kecek Mang Yat.
"Dikit-dikit laju beduit ceritonyo tu, Yat," kato Mang Bon. Mang Yat nyengir. (**)
  • Komentar via G+
  • Komentar via Facebook

0 komentar:

Item Reviewed: Jangan-Jangan Kito Benapas, Laju Bayar Pulo Rating: 5 Reviewed By: Radar Pat Petulai