Friday, 21 July 2017

Iko Patut Diconto, Yat

Teh Kocok RPP
“YAT, kalu ado pistol, granat, amunisi. Baco tu na di koran RPP, ketua DPRD ajo la nyerakan senjato tu.” kecek Mang Bon.
“Mano pulo ado aku senjato,” kato Mang Yat.
“Ketua DPRD tu jugo dak ado, tapi ado punyo mendiang ayahnyo. Pas temu, dikasikan kek piak bewenang. Iko patut diconto, Yat,” kecek Mang Bon.
“Gaek lanang aku idak punyo jugo, apolagi bini aku. Pisau untuk masak tu la senjatonyo,” kato Mang Yat, laju tekikik.
“Iyo pulo dak. Kalu Wak Utet, ado senjatonyo,” kato Mang Bon sambil bisik-bisik.
“Sendok kayu nyo tu na,” Mang Yat ngecek semangat nian.
“Ngapo nyebut-nyebut aku!!” Wak Utet yang lagi goreng tahu, laju mekik dari dapur. Mang Bon kek Mang Yat tekikik-kikik dibueknyo. Tau-tau Wak Utet la ado dekek tobo tu.
“Apo nian seh,” kato Wak Utet.
“Bukan ngupek, Wak. Bon ko na,” Mang Yat langsung nunjuk kening Mang Bon.
“Cepekla jawab, jangan bolak balik cak masak ikan panggang,” kecek Wak Utet.
“Aku tadi nanyo, Yat, ado dak senjato. Granat, pistol, amunisi. Kalu ado, kasi la kek piak bewenang. Cak ketua DPRD yang diberitakan RPP na. Beliau mbalikkan senjato punyo gaek lanangnyo kek piak bewenang. Kan itu conto baik. Kalu Yat ado pulo, maksud aku kasikan la kek piak bewenang tu,” kato Mang Bon.
“Ooo.. Camtu. Tapi aku jugo dak ado senjato. Ngeri pulo aku megang pistol, granat. Maaaak... Aku ndak jualan nasi uduk, bukan ndak perang,” kecek Wak Utet.
“Yo suda kalu dak ado, Wak. Aman la itu,” kato Mang Bon.
“Tapi, Wak, ado baun-baun mutung ko dari mano dak?” Mang Yat tibo-tibo nanyo sambil idungnyo ngendus-ngendus.
“Haaaaaaa!! Tahu aku mutuuuuuuuung!!!!” Wak Utet mekik laju langsung belari ke dapur. Mang Bon kek Mang Yat mala tekikik-kikik. Dasarrr! (**)
  • Komentar via G+
  • Komentar via Facebook

0 komentar:

Item Reviewed: Iko Patut Diconto, Yat Rating: 5 Reviewed By: Radar Pat Petulai