Monday, 17 July 2017

Enak Bukak Toko Periasan Ajo

TEH KOCOK RPP
NAH, baco la berita Dihipnotis, Perhiasan Ludes di koran RPP. Jadi masyarakat lebi ati-ati, waspada, jangan sampai jadi korban hipnotis tu.
"Wak, ati-ati kini cak nyo la mulai lagi hipnotis-hipnotis tu. Jangan la pakai periasan eme banyak-banyak. Kelak barang ilang, nyawo ilang pulo," kecek Mang Bon yang la sampai di warung teh kocok Wak Utet di belakang Bang Mego.
"Iyo, Bon, aku la baco beritanyo tu. Idak eh aku pakai-pakai periasan emas," kato Wak Utet.
"Elok la, Wak. Kadang kito ko sering mancing-mancing dak keruan. Orang idak niat jahat, laju jadi jahat gara-gara dipancing. Kito dak tau perangai orang, Wak. Kadang makai periasan dikit ajo bikin orang selero, apolagi banyak-banyak," kecek Mang Bon.
"Iyo, Bon. Kalu banyak periasan, idak pulo laju ndak dipakai segalo. Beruyun-ruyun dari kuping, leher, tangan, jari, kaki, laju ndak dipakai periasan galo. Kalu cak itu, enak bukak toko periasan ajo. Kadang tu bukan pulo eme asli, tapi imitasi," kato Wak Utet laju tekikik-kikik.
"Ado nian yang cak itu, Wak. Banyak makai periasan biar dikecek kayo, berasil, pameeeer. Na, kalu yang makai imitasi jugo banyak, Wak. Jadi la modal untuk begaya," kecek Mang Bon.
"Kalu aku idak bisa makai imitasi, langsung gatal. Na, ndak makai eme asli, belum ado duit ndak belinyo," kato Wak utet. Mang Bon tekikik.
"Wak ko emang idak beli periasan, tapi tana behektar-heltar, sawa bekapling-kapling," kecek Mang Bon.
"Ai, idak pulo, seh. Laju disebut-sebut galo. Kau jugo banyak kebun kopi, sawa ado biar dikit," kato Mang Bon.
"Alhamdulillah, disyukuri, Wak," kecek Mang Bon. Wak Utet ngangguk setuju. (**)
  • Komentar via G+
  • Komentar via Facebook

0 komentar:

Item Reviewed: Enak Bukak Toko Periasan Ajo Rating: 5 Reviewed By: Radar Pat Petulai