Thursday, 9 March 2017

Tolong we, yang Numbur Tanggung Jawab

TEH KOCOK RPP
ASTAGFIRULLAH.. Man Bon istigfar berapo kali pas suda baco berita 1 Tewas, 2 Sekarat Lainnya Luka Berat, di koran RPP. Warung teh kocok Wak Utet di belakang Bang Mego tu, pagi-pagi la rami didatangi orang, karno ndak mbaco berita kecelakaan tu. Duo peristiwa, ado yang ninggal, ado pulo yang luko berat. Yang lebi kasian lagi, korban tabrak lari tu nah.
"Mintak-mintak la yang luko-luko cepek sehat. Yang numbur cepek dapek, karno nyo harus tanggung jawab," doa Wak Utet, diaminkan pembelinyo. Ai dem, syahdu laju suasana pagi ko. Hiks..
"Wak, la baco yo, berita kecelakaan ko?" tanyo Mang Bon.
Wak Utet narik kursi plastik, laju duduk dekek Mang Bon, sambil ngangguk, njawab pertanyaan Mang Bon. Mukonyo la nampak sedi nian, tando la mbaco berita menyedikan tu.
"Apo kato, musiba, Wak. Ado yang la dijemput maut, ado yang pata memata, ado yang sekarat. Pokoknyo dapek musiba. Aku sayangkan nian yang tabrak lari ko na, Wak," kato Mang Bon, agak kesal nadanyo.
"Aku jugo, Bon. Biar cak manopun, bawak la anak tu cepek ke ruma sakit. Aku yakin eh, dak ado orang yang ndak kecelakaan atau numbur orang. Gilo kalu misalnyo ado yang niat cak itu. Kalu la kejadian, tanggung jawab la, jangan dibiar-biarkan ajo anak tu tegeletak bedara-dara. Aku dak kan sanggup nengok kondisinyo kalu misalkan ado di lokasi kejadian tu. Tapi aku sanggup kalu disuru ngejar siapo yang numbur," kato Wak Utet, mulai, nalurinyo.
Mang Bon ado raso ndak tegelak ndengarnyo. Tapi ditahan karno nengok muko Wak Utet sendu nian. Mungkin jugo takut sendok kayu sampai ke palaknyo, hihihi.
"Kalu nurut kau, dapek dak kelak yang numbur tu, Bon? tanyo Wak Utet.
"Enta jugo, Wak. Susa kalu nengok kronologis kejadian di berita nyo tu. Tapi aku tetap ngarokkan, Pak Polisi bisa nangkoknyo," kecek Mang Bon.
"Aamiin... Dak tega kalu ingek keluargonyo. Apo la perasaan orang tuonyo, tau anaknyo ditumbur, tapi yang numbur belari. Ai dah, sesak nian mbayangkannyo. Tolong we, yang numbur tanggung jawab," kato Wak Utet.
"Mungkin jugo, yang numbur tu lari karno takut diamuk massa, Wak. Pokoknyo kito serakan kek Pak Polisi, Wak. Mintak-mintak dapek. Anak ko cepek sembu. Karno anak tu cak nyo la kelas tigo SMA. La ndak ujian," kecek Mang Bon.
"Aiiiii weeeeee," kato Wak Utet histeris. Laju ceme galo pelanggannyo, termasuk Mang Bon. (**)
  • Komentar via G+
  • Komentar via Facebook
Item Reviewed: Tolong we, yang Numbur Tanggung Jawab Rating: 5 Reviewed By: Radar Pat Petulai