Friday, 3 March 2017

Ngumpan Orang Buek Jahat

TEH KOCOK RPP
CACAAM.. Apo ceritonyo sampai tinggal kolor ajo?? Mang Bon laju dak jadi ndak ngambik pisang goreng di ate meja, yang la diantar Wak Utet. Tangannyo langsung ngambik koran RPP, karno tekejut kek berita Kena Rampok, Tinggal Kolor.
Suda ngambik koran, Mang Bon langsung duduk, khusyuk mbaco. Sampai-sampai Mang Yat yang la duduk di depannyo, langsung pulo nyomot pisang goreng, idak diapik.
"Jangan serius nian, Bon. Abis pisang goreng ko kelak," kucak Mang Yat.
"Dak usah cubo-cubo ceriek, Yat. Kalu abis, aku mintak gorengkan lagi kek Wak Utet," kato Mang Bon, lanjut mbaco koran. Mang Yat nyengir-nyengir.
Dak lamo tu.. "Baco berita ko, Yat. Jadi kau jangan mandi tenga malam, kelak dirampok sampai abis, tesisa cuman kolor. Kalu kolor dak disisakan jugo, cak mano?" kecek Mang Bon.
"Haaah? Maso iyo gara-gara mandi tenga malam laju dirampok?" tanyo Mang Yat, ampir tecekik. Lah, yang Mang Bon tegelak.
"Makonyo aku suru baco koran RPP, ko. Jangan asal tekejut ajo," kecek Mang Bon.
Sambil ncangut, Mang Yat laju ngambik koran, langsung mbaco berita tu.
Pas suda...
"Ooh. Iko ko yang salah lokasinyo, Bon. Kalu mandi tenga malam di ruma, idak jugo kenai rampok. Wajar ajo, mandi tenga malam di lokasi yang sepi. Mano dak diintai kawan," kato Mang Bon.
"Itula, Yat. Kalu aku enakla tidur ajo di ruma, cak pesan Pak Polisi, istirahat, bukan berendam di lokasi sepi. Ngumpan orang buek jahat kalu cak itu," kato Mang Bon.
"Iyo, setuju aku tu. Kalu ndak ke lokasi yang sepi-sepi, sekalian betarak ajo, kalu-kalu dapek ilmu," kecek Mang Yat.
"Basing ajo kau nyuru orang betarak. Bukan dapek ilmu, Yat, digigit ular ado," kato Mang Bon. (**)
  • Komentar via G+
  • Komentar via Facebook
Item Reviewed: Ngumpan Orang Buek Jahat Rating: 5 Reviewed By: Radar Pat Petulai