Monday, 6 March 2017

Kalu Pimpinan Padek, Pasti Dicintai Anak Buanyo

TEH KOCOK RPP
MANG Bon masi serius nian mbaco koran RPP di warung teh kocok Wak Utet di belakang Bang mego, sambil nunggu pesanan teh kocok kek lontongnyo dibuek kek Wak Utet. Dak lamo tu, Mang Yat la sampai pulo.
"Apo berita tu sampai kening bekerut-kerut, Bon?" kucak Mang Yat, sambil ngambik pisang goreng di piring, laju duduk di dekek Mang Bon.
"Sssst..." kato Mang Bon sambil narok jari telunjuknyo di bibir, nyuruh Mang Yat diam, hihihi. Mang Yat laju merengut eh.
"Nah, Bon, iko teh kocok kek lontong pesanan kau," kato Wak Utet yang la sampai di meja Mang Bon. Tapi Mang Bon dak bereaksi.
"Wak, aku nasi uduk yo," pesan Mang Yat.
"Okeh deh," kato Wak Utet cak anak gaul ajo. Dak lamo tu pesanan sampai jugo, Wak Utet jugo nimbrung kek duo sekawan tu.
"Cubo kau tukik dikit, mandan kau tu, Yat. Cak iyo nian mbaco koran sampai dak ndak begerak lagi, seh," kato Wak Utet kek Mang Yat.
"Idak, Wak, ampun. Jangan tokok aku kek sendok kayu," baru Mang Bon njawab, karno yakin bakal jadi sasaran sendok kayu Wak Utet kalu idak njawab jugo.
"Nah, baru nyaut nyo, padahal la ndak aku tokok," kecek Wak Utet laju tekikik-kikik. Mang Yat nyengir-nyengir.
"Iko nah, aku mbaco murid-murid ko demo karno kepala sekolanyo diganti. Laju ikut sedi aku, raso-raso aku ni kepala sekolanyo," kato Mang Bon.
"Iiw, raso-raso tu muridnyo, jangan raso-raso kepala sekola," kato Mang Yat.
"Iyo dak, mili-mili pulo aku nih," kecek Mang Bon.
"Jadi ngapo murid tu demo, Bon?" tanyo Wak Utet
"Kepsek lamo ko dianggap padek. Pokoknyo pacak nian la, Wak, cak koran RPP. Banyak perubahan baik pas nyo jadi kepsek. Lah mbeli komputer pulo limo pulu bua, pakai duitnyo demi anak-anak biar bisa ujian pakai komputer," kecek Mang Bon.
"Apoooo??!! Limo pulu bua?? Berapo duitnyo, Bon? Tapi yo, memang la, di mano-mano, pimpinan, bos, kepala, palak kodi, wak geng, kalu pacak nian, sedi la kalu nyo diganti. Karno pimpinan yang cak itu yang diendak orang banyak. Misalnyo pimpinan tu dak padek, aku raso, seumat-umat ko ndoakannyo tecempak dak," kato Wak Utet.
"Nian, tu. Betul, Wak. Kalu pimpinan padek, pasti dicintai kek anak buanyo. Samo la cak kepsek ko, karno nyo padek, murid, guru, stap di sekola tu, sedi la nyo pinda. Karno sayang galo. Kalu pimpinan merangai, mano ado yang ndukung. Yang ado, didoakan cepek tecempak," kato Mang Bon. (**)
  • Komentar via G+
  • Komentar via Facebook
Item Reviewed: Kalu Pimpinan Padek, Pasti Dicintai Anak Buanyo Rating: 5 Reviewed By: Radar Pat Petulai