Wednesday, 1 March 2017

Jangan Sepelekan a de em Kependudukan

TEH KOCOK RPP
COCOK nian. Siapo belum punyo KTP, belum bisa jugo dapek biarpun la rekam data. Inpo dari koran RPP yan dibaco Mang Bon di warung teh kocok Wak Utet di belakang Bang Mego, kini blankonyo masi kosong. di pusat, lelang blanko gagal lagi, gagal lagi. Jadi warga pun nunggu lagi, nunggu lagiiii. Yang sabar, yo, sanak-sanak.
Tapi Mang Bon besyukur nian karno nyo la ado KTP, karno pas baru-baru KTP elektronik, Mang Bon langsung ngurus berkas yang belum lengkap, laju rekam data. Alhamdulillah, beres. Kecek Mang Bon, warga yang baik tu idak ngabaikan namonyo a de em (administrasi maksudny) kependudukan. Kini ko paya kalu dak do KTP, karno banyak gunonyo.
"Kau la ado KTP kan, Yat?" tanyo Mang Bon sambil melirik Mang Yat yang lagi nyeruput teh kocoknyo.
"Ado, Bon. Aku langsung bikin waktu tu pas pertamo KTP elestonik," jawab Mang Yat cak dak bedoso.
"Astagfirullah... Elektronik, Yat. Bahaso mano pulo itu, elestonik," kecek Mang Bon laju tekikik. Mang Yat nyengir.
"O iyo, dak. Pikir aku la beruba istila tu," Mang Yat nyengir pulo.
"Tapi orang ruma aku masi nunggu, Bon. Kan KTP nyo waktu tu ilang. Pas ndak ngurus, tau-tau blanko kosong sampai la kini," kato Mang Yat.
"Cak kecek koran RPP la. Sabar," kecek Mang Bon.
"Itu la lagi, Bon. Ndak kito aduk-aduk kantor Dukcapil tu samo jugo, tetap dak bisa cetak. Yang ado aku digebuk orang, gara-gara ngamuk dak keruan," kato Mang Yat.
"Pokoknyo, kito jangan sepelekan a de em kependudukan. Kalu dak do KTP, dianggap warga ilegal. Karno dak do identitas. Nah, kalu KTP orang ruma kau la pacak dicetak, ambik cepek. Pasti ado inponyo di koran RPP kelak tu," pesan Mang Bon.
"Siaaaap," kato Mang Yat. (**)
  • Komentar via G+
  • Komentar via Facebook
Item Reviewed: Jangan Sepelekan a de em Kependudukan Rating: 5 Reviewed By: Radar Pat Petulai