Thursday, 2 March 2017

Daripada Makan Hak Orang Lain, Enak Makan Lontong ala Wak Utet

TEH KOCOK RPP
ASTAGFIRULLAH... Maso kotak amal di masjid masih dilantak? Duit umat itu tu, seh. Tunggu kau, kalu doa-doa umat banyak ko la dikabulkan Allah, kusut masai idup kau. Wak Utet ngomel-ngomel pas sudah baco berita di koran RPP, kotak amal dibobol maling.
Mang Bon yang baru ndak nyuokkan lontong, langsung berenti.
"Cacaam... Idup siapo nian yang kusut masai tu, Wak? Alang ke ngerinyo," tanyo Mang Bon, baru lanjut makan lontong lagi.
"Iko nah, yang maling kotak amal masjid. Alang ke nekat pulo. Duit umat dilantak jugo. Apo idak mikir, kalu disumpa kek umat banyak ko, cak mano bakal idupnyo, Bon. Orang kan ndak beamal, mala duit tu idak nyampai. Kan kesal, Bon," kato Wak Utet.
"Yang penting niat tu la baik, Wak. Soal duitnyo dimaling, dosonyo maling tu la yang nanggung. Memang kelewatan kerjo tu, Wak. Kalu ketauan, raso aku nanggung jugonyo digebuk orang banyak ko," kato Mang Bon.
"Iyo, nian. Orang nyari duit halal susa, Bon. Tapi biar susa, berkah. Daripada nyari duit haram tapi mudah, abis dak keruan tu la. Kalu idak nyo sakit parah, sakit aneh, anaknyo narkoba, atau bininyo selingku. Bisa jugo ruma kebakaran, anaknyo kritis karno kecelakaan. Pokoknyo, ado-ado ajo hukuman Tuhan kalu orang nyari duit dak halal. Apolagi sampai makan hak orang, ngambik duit umat. Ati-ati nian," kecek Wak Utet.
"Pasti tu, Wak. Makan hak orang tu samo ajo kek zalim dak. Itu bukan main hukumannyo. Tau kan, Wak, sala satu doa yang dikabulkan Allah tu doa orang-orang yang teraniayo. Orang-orang yang haknyo dimakan tu, orang yang teraniayo la," kecek Mang Bon.
"Intinyo, Bon, daripada makan hak orang lain, enak makan lontong ala Wak Utet," kato Wak Utet, sambil promosi tu la, hihihi. (**)
  • Komentar via G+
  • Komentar via Facebook
Item Reviewed: Daripada Makan Hak Orang Lain, Enak Makan Lontong ala Wak Utet Rating: 5 Reviewed By: Radar Pat Petulai