Friday, 10 March 2017

Cayo dak yoooo...

TEH KOCOK RPP
TUMBEN pagi ko, Mang Yat sampai duluan di warung teh kocok Wak Utet di belakang Bang Mego tu. Sambil nunggu pesanan nasi uduk sampai, Mang Yat mbaco koran RPP. Apo kiro-kiro berita yang paling menarik kek Mang Yat? Dak taunyo soal dewan siluman dalam tando kutip tu nah, hihihii.
Pas Mang Bon sampai, Mang Yat langsung narok jari telunjuk di bibirnyo.
"Sssttt.. Ado dewan 'siluman'," kato Mang Yat sambil bisik-bisik.
Mang Bon yang belum tau berita, laju bingung.
"Cacaam.. Apo nian laju bisik-bisik tu, Yat?" tanyo Mang Bon, laju duduk depan Mang Yat, tangannyo langsung ngambik pisang goreng sepotong.
Dak pakai ngecek-ngecek, Mang Yat langsung nyuruh Mang Bon mbaco berita tu. Mang Bon yang tamba bingung, akhirnyo langsung mbaco berita tu. Padahal, nyo ndak mbaco berita lain dulu.
"Ooh, iko ruponyo. Ado namo, orangnyo dak ado. Jadi ngapo kau pakai bisik-bisik cak itu," kecek Mang Bon, raso ndak tegelak ado nengok kelakuan Mang Yat. Mang Yat nyengir-nyengir.
"Cak mano seh, maso cuman isi absen ajo tapi dak ado orang," kato Mang Yat.
"Kato kawan-kawannyo, datang jugo yang namonyo ado di absen tapi dak ado orang tu. Tapi pas dicek wartawan, tobo tu lagi tidur," kecek Mang Bon.
"Cayo dak yoooo..." kato Mang Yat, ragu nian nadanyo. Mang Bon tegelak.
"Enta la yooo...." mbale Mang Bon, hihihi.
"Jangan la kau risau nian, Yat. Mintak-mintak idak ngicu. Tapi kalu ngicu, tanggung jawab yang paling besak tu kek Tuhan. Tapi yo cak itu la, orang kini banyak ketauan ngicu cak idak ajo. Cak cak gilo ajo," kato Mang Bon.
"Iyo, Bon. Kito yang nengoknyo eh yang malu. Padahal kito pakai baju," kecek Mang Yat.
"Dasar kau ko, Yat," kato Mang Bon. (**)
  • Komentar via G+
  • Komentar via Facebook
Item Reviewed: Cayo dak yoooo... Rating: 5 Reviewed By: Radar Pat Petulai