Wednesday, 8 March 2017

Adaiii, Jago Diri? Enta la, Eh

TEH KOCOK RPP
MANG Bon lagi baco koran RPP di warung teh kocok Wak Utet di belakang Bang Mego. Mbaco berita Pisau di Pinggang, Pelajar Digelandang. Iko ngapo-ngapo pelajar bawak pisau pulo? Pikiran Mang Bon, mungkin ndak praktek masak-masak di sekolahnyo. Tapi kalu la jam duo pagi, agak curiga jugo kito dak. Tapi intinyo, Mang Bon nggak suuzon, kelak duso keceknyo.
"Cubo kau pikir, Yat, ngapo anak sekola ko bawak-bawak pisau di pinggangnyo?" tanyo Mang Bon kek Mang Yat yang lagi asyik nian ngunya pisang goreng.
"Kalu untuk ngiris bawang dak, Bon," Mang Yat ngasal nian njawabnyo, hihihi.
"Kau ko lah. Tapi aku tadi mikirnyo jugo untuk praktek masak-masak, Yat. Tapi jam duo malam, ndak masak-masak apo? Di luar pulo, kalu di ruma mungkin la nyo ndak saur. Tapi kan kalu di ruma ngapo pulo laju ditangkok polisi," Mang Bon makin pening mikirnyo.
"Dem la, eh. Ngapo kau yang pening. Biarla urusan polisi tu. La tau masi pelajar, keluar jam duo malam, mbawak pisau pulo. Harusnyo pelajar tu bawak buku pelajaran, atau catatan hapalan," kecek Mang Yat.
"La benar tu, Yat. Jangan ajo besok-besok, ditangkok pelajar ko bawak linggis, gergaji, penokok," kato Mang Bon.
"Kalu itu, mungkin ndak nukang, nyari tambahan belanjo," jawab Mang Yat tekikik-kikik.
"Tapi apo nian alasannyo nongkrong di luar, jam duo pagi, sambil bawak pisau tu, Bon?" tanyo Mang Yat.
"Katonyo untuk jago diri. Karno tobo duo tu sambil nunggu pesanan nasi goreng," jawab Mang Bon.
"Adaiii, jago diri? Enta la eh," kato Mang Yat. (**)
  • Komentar via G+
  • Komentar via Facebook
Item Reviewed: Adaiii, Jago Diri? Enta la, Eh Rating: 5 Reviewed By: Radar Pat Petulai