Thursday, 16 February 2017

Sial tu kan Kalu Ketauan

TEH KOCOK RPP
JAMAN la maju cak iko masi jugo main dadu guncang. Oii, ditangkok kan jadinyo, ado-ado ajo kerjo ko.
Mang Bon masi lanjut baco koran RPP sambil makan pisang goreng. Mang Yat lagi makan lontong, kelaparan nian cak nyo pagi ko. Makonyo langsung belari ke warung teh kocok Wak Utet di belakang Bang Mego.
"Apo cerito koran RPP ari ko, Bon?" tanyo Mang Yat, idak berenti ngunya.
"Ado orang daera siko, yang ditangkok gara-gara buka lapak dadu guncang di daera orang," kato Mang Bon.
"Hah?? Masi jugo main dadu guncang? Ai, eh, ke mano ajo, mang?" kecek Mang Yat.
"Mungkin masi beta, Yat. Ditangkok pas lagi mbentang lapak. Kan sial nian mamang ko. Ngakunyo baru pertamo kali mbuka dadu guncang di daera orang tu," kato Mang Bon.
"Ah, baru sekali apo baru iko ketauan. Makonyo, main yang padek-padek ajo la. Main sepak bola, bulu tangkis, catur, tenis meja. Kan banyak permainan bemanfaat. Badan sehat, otak sehat. Kalu beruntung bisa nyetak prestasi, dapek piala, duit, hadia," kecek Mang Yat.
"Asal jangan main mato kek bini orang ajo, Yat. Pasti sial jugo," kato Mang Bon sambil nyengir-nyengir.
"Idak jugo, Bon. Sial tu kan kalu ketauan. Kalu idak, idak kan sial-sialnyo," kecek Mang Yat.
"Cacaaam.. La benar pulo yo," kato Mang Bon. (**)
  • Komentar via G+
  • Komentar via Facebook
Item Reviewed: Sial tu kan Kalu Ketauan Rating: 5 Reviewed By: Radar Pat Petulai