Thursday, 9 February 2017

Manusio Cuman Pacak Ngiro-ngiro

TEH KOCOK RPP
NAH, ndak waspada nian ngadok cuaca yang dak nentu kini ko. Kalu inpo dari piak terkait yang disampaikannyo di koran RPP, cuaca ekstrem, istilahnyo tu, bakal sampai bulan Maret. 
"Wak, sampai bulan Maret kelak, cuaca bakal idak nentu. Waspada," kecek Mang Bon sambil nyeruput kopi itamnyo, laju makan pisang goreng.
"Iyo, Bon. Ngeri aku, lah. Kemaren ajo, atok warung ko la bebunyi-bunyi kencang nian. Aku takut lepe, melayang, kenai orang yang lewat. Nah, kau!" kato Wak Utet.
"Dielokkan lagi, Wak. Daripado ado yang celako. Soalnyo pas ujan ko, kelak tibo-tibo angin kencang. Pas pane jugo cak itu. Pane tapi angin kencang. Maklum la namonyo cuaca, kalu manusio ko cuman pacak ngiro-ngiro. Ndak mastikan idak bisa," kecek Mang Bon.
"Longsor jugo kan kalu kecek berita di koran RPP tu. Pokoknyo orang yang tinggal di dataran tinggi waspada longsor.
Adai seh, cak iko pulo cuaca kini," kato Wak Utet sambil ngelap sendok yang baru dicuci.
"Banyak-banyak la bedoa, biar jau dari bencana. Mintak-mintak idak sengeri yang kito bayangkan, Wak. Sebenarnyo aku jugo ngeri. Apolagi pas nengok angin kencang tu, raso-raso aku pulo dibawak angin," kecek Mang Bon.
"Itu la. Aku was-was ajo bawaannyo. Pas lagi bikin lontong, raso-raso atok dapur ko terbang. Raso-raso dengar orang mekik-mekik ketakutan. Ai dah, ado-ado ajo bayangan ko, macam-macam," kecek Wak Utet, ceme nian.
"Mintakla idak apo-apo, Wak. Urusan alam ko, kek Tuhan tu la kito serahkan," kato Mang Bon. (**)
  • Komentar via G+
  • Komentar via Facebook
Item Reviewed: Manusio Cuman Pacak Ngiro-ngiro Rating: 5 Reviewed By: Radar Pat Petulai