Monday, 20 February 2017

Kalu Idak Sanggup, Ngecek, Jangan Nyarokan orang

TEH KOCOK RPP
AKHIRNYO, di dinas yang ngurus-ngurus administrasi penduduk, la ado kepalanyo, karno la dilantik bupati. Syukurlah, mintak-mintak urusan makin lancar. Apolagi, kecek kepalo yang baru ko, dak akan ado pungli alias pungutan liar. Nah, kalu di rumah sakit, direkturnyo memang mundur, laju diganti jugo kek yang baru. Lah, ngapo sampai mundur tu?
Mang Bon baco dulu beritanyo di koran RPP, sambil makan tahu goreng yang baru diantar Wak Utet ke mejanyo. Heu, pagi-pagi, pelanggan setia sorang ko la nongkrong di warung teh kocok Wak Utet di belakang Bang Mego.
"Ooh.. Jadi iko penyebabnyo," kato Mang Bon, tapi mato masi fokus baco berita.
"Apo seh, penyebab apo?" Mang Yat yang baru sampai, ruponyo dengar apo yang dikecek Mang Bon.
"Iko nah. Ado pejabat baru dilantik. Nah, yang sorang memang ngisi jabatan yang belum ado pejabatnyo. Tapi yang sorang lagi, dilantik ngisi jabatan yang la ado pejabatnyo, direktur ruma sakit. Ternyato kecek bupati, direktur lamo memang ngajukan surek pengunduran diri," kecek Mang Bon.
"Lah, ngapo sampai mundur?" tanyo Mang Yat lagi.
"Nah, baco dewek di siko. Aku ndak nikmati tahu goreng ko dulu," kato Mang Bon sambil ngulurkan koran RPP kek Mang Yat. Langsung dibaconyo pulo.
Dak lamo tu...
"Mundur karno sibuk, Bon. Bukan karno kinerjonyo," kecek Mang Yat.
"Aku raso, la tepat pilihannyo tu, Yat," kato Mang Bon.
"Ngapo cak itu, eh?" tanyo Mang Yat lagi.
"Kini cak iko, Yat. Namonyo kepala, pimpinan, bos atau apola sebutannyo, pokoknyo yang di ate tu posisinyo, di tangannyo tu la ndak maju apo mundur. Anak bua kalu padek-padek, bos idak padek, idak padek jugo jadinyo. Tapi kalu bos padek, anak bua yang idak padek bisa jadi padek. Jangan kiro enak jadi bos atau pimpinan tu. Tanggung jawab idak cuman di dunia, di akherat kelak ditanyo jugo. Nah, orang kalu la raso idak sanggup mimpin, apopun alasannyo, idak kan padek lagi mimpin. Jadi jentelmen ajo, mundur. Biar orang lain yang lebih padek nggantikan. Karno bakal nyarokan anak buanyo ajo. Betul dak?" kato Mang Bon.
"Iyo jugo dak. Setuju aku tu. Pokoknyo kalu idak sanggup, ngecek, jangan nyarokan orang," kecek Mang Yat. (**)
  • Komentar via G+
  • Komentar via Facebook
Item Reviewed: Kalu Idak Sanggup, Ngecek, Jangan Nyarokan orang Rating: 5 Reviewed By: Radar Pat Petulai