Monday, 27 February 2017

Cacaam... Tekicu Elok Nian tuuuu

TEH KOCOK RPP
ADO-ado seh, kelakuan orang banyak ko. Cubo la, tetanggo dewek dikicu. Pakai ngaku dudo, anggota polisi. Ai weee, dak abis pikir, dak abis pikiiiir!! Wak Utet ngomel-ngomel jadinyo. Saking kesal, sambil nokok-nokok sendok kayu di ate meja.
"Ngapo tu kini, Wak? Main tokok ajo," kato Mang Bon yang baru nyampai di warung teh kocok Wak Utet di belakang Bang Mego tu.
"Adaaii, adaiii. Bon! tekejut kan aku," kecek Wak Utet ampir jatu dari kursi. Mang Bon mala nyengir-nyengir.
"Wak tu pulo. Pagi-pagi la ngomel, nokok-nokok sendok kayu. Takut pulo pelanggan datang," kecek Mang Bon, narik kursi, laju duduk ngadok Wak Utet.
"Iko nah. Kau la baco belum berita di koran RPP. Janda Cantik Terpedaya Polisi Gadungan," jawab Wak Utet sambil nunjukkan koran RPP kek Mang Bon.
"Ooh, iyo.La suda aku baco, Wak. Tadi ado tetanggo aku beli koran RPP, jadi aku langsung pinjam. Tukang kicunyo tetanggo dewek kan, Wak? Bapak satu anak, punyo bini tapi ngaku dudo. Cacaam... Tekicu elok nian tuuuu," kato Mang Bon sambil geleng-geleng palak.
"Itulah. Ai seh, ngapo pulo tino ko idak cek dulu, benar nian apo idak. Kalu aku agak curiga lah, maso la diajak temu berapo kali dak perna ndak. Kalu cinta nian, aku raso ndak temu terus dak. Kiro-kiro cuman nengok atok rumanyo jadila," kecek Wak Utet, kesal nian cak nyo.
"Nah, Wak ko mengenang masa mudo. Kan dulu galak nian, idak nengok orangnyo, nengok atok rumanyo jadila, la riang nian," kato Mang Bon tekikik-kikik.
Wak Utet laju tesenyum-senyum. (**)
  • Komentar via G+
  • Komentar via Facebook
Item Reviewed: Cacaam... Tekicu Elok Nian tuuuu Rating: 5 Reviewed By: Radar Pat Petulai