Wednesday, 22 February 2017

Bukak Tutup, Bukak Tutup, Cak Galau Nian

TEH KOCOK RPP
MASI bepikir soal duit miliaran yang nguap dak jelas ke mano, gara-gara tambang dak ado ijin, Mang Bon lanjut baco beritanyo di koran RPP di warung teh kocok Wak Utet di belakang Bang Mego.
"Nah, kan. Biar aku dak ngerti nian soal aturan, sanksi melanggar perda ko berek. Tengok ko kecek piak tekait, sanksinyo pidana. Mako jangan cubo-cubo.." kato Mang Bon kek Mang Yat.
"Tapi masi banyak yang berani nyubo, Bon. Samo ajo cak narkotika, la tau barang tu dak benar, masi banyak yang nyubo. Mala tamba banyak," kecek Mang Yat.
"Iyo jugo dak. Penasaran kalu, Yat," kato Mang Bon.
"Penasaran tu kek hal-hal yang baik. Maso kek narkotika penasaran? Maso kek hal-hal yang melanggar aturan penasaran? Samo ajo nggali kuburan dewek cak itu tu," kecek Wak Utet, tau-tau datang sambil mbawakkan teh kocok duo gele pesanan Mang Bon kek Mang Yat.
"Cacaam... Nyentrum ajo Wak ko," kecek Mang Bon nyengir-nyengir.
"Aku tau, kamu beduo ko lagi bahas duit miliaran yang nguap dak tau ke mano kan? Yang soal tambang tu nah, berita di koran RPP. Kalu berita soal duit, apolagi sampai miliaran tu, senang-senang kesal aku mbaconyo," kato Wak Utet, narik kursi, laju duduk kek Mang Yat, Mang Bon.
"Pasti Wak tu mikir, kalu duit sebanyak itu dikasih kek Wak, pacak bukak cabang warung teh kocok se-Indonesia, kan?" kecek Mang Bon.
Wak Utet tekikik. "Iyola pulo. Tau nian kau cita-cita aku bukak cabang se-Indonesia," kato Wak Utet.
"Tapi kalu nurut Wak, cak mano harusnyo piak tekait ngatasi masala ko?" tanyo Mang Yat.
"Kalu aku sederhana ajo. Aturan la ado, sanksi jelas, tinggal piak tekait tu la. Ndak dak negakkan aturan apo idak? Serius dak ndak ngasi sanksi. Kamu orang tau kan, mbiarkan pelanggaran samo ajo mbiarkan kesalahan. Kalu diam ajo, samo lah dosonyo kek yang melanggar. Kiro-kiro sanksinyo tambang ditutup, yo tutup, jangan sikap tu dak jelas. Bukak tutup, bukak tutup, cak galau nian," kecek Wak Utet.
"Iyo dak, Wak. Setuju aku tu," kato Mang Yat. Mang Bon ngangguk jugo, setuju. (**)
  • Komentar via G+
  • Komentar via Facebook
Item Reviewed: Bukak Tutup, Bukak Tutup, Cak Galau Nian Rating: 5 Reviewed By: Radar Pat Petulai