Monday, 9 January 2017

Pokoknyo Rimrim, Nyari Mano Jalan

Teh Kocok RPP
NAH, kau! La ado napi lepe lagi. Cacam, cacam.. Cak mano mako lolos tu yo? Cubo tengok-tengok kiri kanan depan belakang ruma, bila perlu tengok ate bawa, laaah, hihihi..
"Wak, pas bukak warung tadi padi, tetengok orang nyuruk dak? Kalu-kalu napi yang lepe ko," kecek Mang Bon sambil ngambik piring berisi lontong yang diantar Wak Utet ke mejanyo.
"Jangan nakut-nakutkan la, Bon. Kelak kalu aku belago kek napi tu, laju berasil pulo nangkoknyo, laju aku sibuk nerimo wartawan ndak wawancara. Masuk koran RPP, aku kelak," kato Wak Utet, la jau nian hayalan tu. Mang Bon laju tekikik.
"Padek tu, Wak. Laju kan rami warung teh kocok ko. Pasti wak tu jadi bua bibir karno cak pahlawan tu na. Pokoknyo, pacak nian, cak koran RPP," kato Mang Bon, kini belanjut makan lontong. Wak Utet jugo nyengir, pasti lagi mbayangkan nyo belago, udem tu, nangkok napi tu.
"Tapi menurut Wak, ngapo napi ko bisa kabur? Kalu ado ilmu ngilang dak?" kecek Mang Bon.
"Idak mungkin, Bon. Kalu nyo punyo ilmu ngilang, dak mungkin sampai ditahan. Sudem nyo beraksi, langsung ngilang lah, idak bisa ditangkok," jawab Wak Utet.
"Cacaaam... La benar pulo, Wak," kato Mang Bon.
"La iyola pulo, seh. Mungkin napi ko memang la berencana lamo. Tiok ari kerjonyo bepikir cak mano bisa belari. Pokoknyo rimrim, nyari mano jalan. Nah, pas la ado kesempatan, laju nyo. Tapi aku takut la, Bon, kelak nyo nyuruk nian di warung aku," kecek Wak Utet.
"Idak, Wak. Aman ajo. Dak mungkin nyo ndak nyuruk di warung rami cak iko. Tenang, sabar, istigfar," kato Mang Bon. (**)  
  • Komentar via G+
  • Komentar via Facebook
Item Reviewed: Pokoknyo Rimrim, Nyari Mano Jalan Rating: 5 Reviewed By: Radar Pat Petulai