Friday, 6 January 2017

Namonyo Penyakit Bawaan

TEH KOCOK RPP
ASTAGFIRULLAH.. Mintak-mintakla penyakit ibuk ko bisa sembu. Mang Bon tekejut nian pas baco berita di koran RPP, tentang ibuk-ibuk yang ngidok penyakit aneh. Aneh nyo di mano, Mang? Ruponyo, awal-awal tu muncul benjolan kecik di kakinyo. Tapi lamo-lamo benjolan tu makin banyak, laju ukurannyo mbesak pulo. Sedi nyo tu, ibuk ko dak perna pai ke dokter, karno dak ado duit.
"Kalu aku banyak duit, ndak nian aku nolong ibuk ko berubek," kato Mang Bon kek Mang Yat.
"Ibuk yang kenai penyakit ane tu yo, Bon?" Aku la baco berita nyo tadi sebelum ke siko," kato Mang Yat.
"Iyo, mano benjolan di keningnyo la ampir nutup mato pulo," kato Mang Bon.
"Ngapo la dak, kini ko ado-ado ajo penyakit aneh. Macam-macam kejadiannyo," kecek Mang Yat.
"Aku raso banyak penyebabnyo. Mungkin dari makanan, caro idup kito cak mano. Bisa jugo karno pirus, bakteri, kan," kato Mang Bon.
"Iyo, bisa jugo tu," kato Mang Yat.
"Tapi kalu lapar tu bukan penyakit aneh dak, Yat?" tanyo Mang Bon nyengir-nyengir sambil megang perutnyo. Mang Yat tekikik.
"Iyo, penyakit kau, tu. Makonyo pesanla lontong apo nasi uduk kek Wak Utet," kecek Mang Yat.
"Iko namonyo penyakit bawaan, Yat" kato Mang Bon. (**)
  • Komentar via G+
  • Komentar via Facebook
Item Reviewed: Namonyo Penyakit Bawaan Rating: 5 Reviewed By: Radar Pat Petulai