Tuesday, 24 January 2017

Awas! Jebakan Betmen

TEH KOCOK RPP
ADO-ado ajo jebakan jaman kini. Segalo bisa jadi jebakan. Kalu idak oang yang dijebak, kenai, yo, jebakan tu bebalik dewek kek yang masang jebakan. Jadi, intinyo, Mang Bon pesan nian jangan galak njebak kawan, apolagi pakai jebakan betmen, kecek Mang Bon tu.
"Yat, ati-ati, kalu la bayar listrik, bukti bayar disimpan nian," kecek Mang Bon sambil nikmat nian ngirup kopi itam di warung teh kocok Wak Utet di belakang Bang Mego tu.
"Iyo, kalu soal itu, bini aku cerewetnyo sampai langit tuju. Karno kato bini aku, kalu dak ado bukti tetulis, susa kito ndak mbuktikan urusan duit ko. Ndak bawak sampai mano, kalu sekedar ngomong ajo, percuma. Kala tu la. Kau pasti la baco berita di koran RPP kan," kecek Mang Yat.
"Cacaam.. La benar pulo bini kau tu, Yat. Tapi rasonyo la ngeri pulo kalu cerewet sampai langit tuju," kato Mang Bon tekikik-kikik.
"Itu istilanyo, Bon. Saking bini aku ketat kek urusan duit. Karno nyari duit susa, la ngerti bini aku tu," kecek Mang Yat.
"Idak apo-apo la. Aku setuju kek bini kau. Betul nian, kito harus rapi, istilanyo tu administrasi la. Urusan duit ko rumit biar dikit. Galak pulo ado jebakan betmen. Nah, makonyo harus jelas urusan tu. Kadang-kadang orang sampai bebunuan gara-gara duit sepulu ribu. Apolagi urusan tagi menagi listrik," kato Mang Bon.
"Iyo, aku nyarankan nian kalu bayar-bayaran tu, ado tulis-tulisnyo biar dikit. Jadi bukti yang bisa dipertanggungjawabkan. Kalu la bayar, itu buktinyo. Kalu belum yo, lunaskan. Bayar utang kek Wak Utet ajo, kito pakai catat-catat dak," kecek Mang Yat sambil nyengir pulo. Mang Bon jugo ikut nyengir.
"Tapi kalu di ruma, kau lengkap kan bukti bayar listrik? Kelak kau la tenang-tenang ajo, Bon, dak taunyo listrik kau dicabut," kato Mang Yat belanjut.
"Ado, aku jugo rapi ngurus yang cak itu. Karno aku dak ndak masuk jebakan betmen," kecek Mang Bon. (**)
  • Komentar via G+
  • Komentar via Facebook
Item Reviewed: Awas! Jebakan Betmen Rating: 5 Reviewed By: Radar Pat Petulai