Friday, 25 November 2016

Pas Ado Penjahat, Tembak Keningnyo

TEH KOCOK RPP
"CACAAM.. Tengok ko Yat, bepulu juta raib digasak penjahat," kecek Mang Bon pas baco koran RPP di warung teh kocok Wak Utet di belakang Bang Mego. 
Mang Yat yang lagi nikmat nian makan lontong tekejut dibueknyo. "Hah? Duit siapo itu, Bon? Aku belum baco
"Kau ko, perut ajo diijo. Iko nah, duit Alokasi Dana Desa 29 juta kek duit honor perangkat desa 25 juta. Aduuu, banyak nian duit itu. Kalu beli kerupuk la dapek berapo, Yat," kato Mang Bon, dak rela nian cak nyo duit tu digasak penjahat.
"Astaganagasuragaaa.... Berapo Boooon??" tibo-tibo Wak Utet la muncul, pasang muko tekejut sambil idak rela. Mang Bon kek Mang Yat tekejut dibueknyo.
"Laaah.. Wak ko belum baco koran apo? Iko nah, duit punyo desa, digasak maling. Aii orang duo ko, koran ado idak dibaco," kecek Mang Bon.
"Aku kesiangan buka warung, Bon. Jadi belum sempat baco. Cak mano ceritonyo tu pacak digasak maling? Cubo kau ceritokan berita di koran RPP tu. Aku kek Yat kan belum sempat baco," kato Wak Utet, laju duduk kek tobo duo tu.
"Kades ko awalnyo suda nyairkan duit tadi tu dari bank. Tau-tau di jalan, teraso ban kempes, tapi kades ko tetap jalan ajo. Nah lamo-lamo ban la tekempes nian, akhirnyo pai ke bengkel, nampal ban. Pas mampir di bengkel, dak ado orang. Laju nyo minjam alat-alat ajo, ganti ban dewek. Naaah, duit yang bepulu juta ko tadi masi di dalam mobil. Pas la suda, kan alat-alat tu dibalikkan, korban ndak lanjut lagi bejalan ko. Tapi belum sadar kalu tas isi duit tu la ilang. Nyo curiga pas nengok ado cap desa jatu ke aspal. Nah, pas itula nyo masuk ke mobil, ngecek tas isi duit dan kironyo tas ti la idak ado lagi," cerito Mang Bon. Mang Yat kek Wak Utet geleng-geleng palak.
"Alang ke jeli nyo penjahat kini ko, seh. Tau ajo nyo duit tu isi duit. Ai dah, laju cak mano duit punyo desa tu dak?" kecek Wak Utet.
"Nah, kalu soal itu kito serakan kek yang berwajib ajo, Wak. Intinyo, iko pelajaran untuk kito segalonyo. Kalu-kalu nyairkan duit banyak, lebi ati-ati lah. Apolagi duit ko punyo umat. Jangan sangko penjahat idak tau. Jangan anggap sepele. Baiknyo kalu nurut aku, mintak kawal kek Pak Polisi. Pas ado penjahat, tembak keningnyo," kato Mang Bon. (**)
koran, aku lapar jadi makan lontong dulu," kato Mang Yat sambil nyengir.
  • Komentar via G+
  • Komentar via Facebook
Item Reviewed: Pas Ado Penjahat, Tembak Keningnyo Rating: 5 Reviewed By: Radar Pat Petulai