Monday, 17 October 2016

Pacak Celako Kalu Labas Ajo

TEH KOCOK RPP
MANG Bon kek Mang Yat la kenyang makan lontong di warung teh kocok Wak Utet di belakang Bang Mego tu. Ruponyo baru ingek, belum baco koran RPP.
"Nah, iko aku cari dari tadi. Aku belum baco koran, Yat," kecek Mang Bon.
"Bacolah dulu, kelak kau ceritokan kek aku apo beritanyo," kato Mang Yat, kini lagi nikmati nian teh kocoknyo.
"Cacaam.. lanang iko, kumat lagi male baco nyo. Kau ditokok Wak Utet baru tau raso," kato Mang Bon, kini la serius baco berita.
Dak lamo tu, Mang Bon mulai ngajak Mang Yat ngota.
"Iko nah, apolagi yang diadok kalu suda ujan besak, selain banjir, Yat?" tanyo Mang Bon
"Basah, lah Bon," jawab Mang Yat kendaknyo ajo.
"Kau ko suda makan bukannyo tamba pintar. Longsor nah, maksud aku," kecek Mang Bon agak angek. Mang Yat tekikik nengok muko Mang Bon.
"Tapi kito kenai ujan kan basa jugo, Bon. Iyolah, iyo, di mano kini longsor tu kejadiannyo?" kato Mang Yat.
"Di Simpang Poak. Kau tau kan taun 2015 perna longsor? Tapi belum dielokkan sampai kini. Naaah, iko nah, kini laju tamba parah," kecek Mang Bon.
"Wai, bahayo yang lewat situ kalu dak paham medan. Pacak celako kalu labas ajo," kato Mang Yat.
"Iyo, aku ajo la dak ndak nian lewat situ kini, kalu idak tepakso nian. Biarla ngecikkan balak ajo," kecek Mang Bon.
"Mintak-mintaklah piak tekait cepek nanganinyo, Bon. Jadi yang lewat aman, ngecik balak. Aku jugo dak ndak eh lewat situ kalu belum dielokkan," kato Mang Yat. (**)
  • Komentar via G+
  • Komentar via Facebook
Item Reviewed: Pacak Celako Kalu Labas Ajo Rating: 5 Reviewed By: Radar Pat Petulai