Tuesday, 27 September 2016

Mati Caro Enak

Teh Kocok RPP
"TENGOK ko, Bon. Ati-ati kek petir," kecek Mang Yat pas suda baco berita di koran RPP, ado petani meninggal disambar petir.
"Mungkin memang la ajal nyo jugo, Yat," kato Mang Bon.
"Iyolah, Bon. Kalu pacak jangan pulo nemu ajal caro cak iko. Paling idak, kito usaha dulu. Cak mano mati caro enak," kecek Mang Yat.
"Cacaam.. Cak mano pulo mati caro enak tu, Yat," laju tekikik Mang Bon.
"Pikirkanlah dewek eh," kato Mang Yat laju nyomot pisang goreng Mang Bon.
"Mungkin cak iko maksud kau tu. Aku pernah dengar, ado orang tu meninggalnyo pas sudah solat, Yat. Artinyo, masih dalam keadaan suci, karno sudah solat, air wuduk masih nempel, baru suda njalankan kewajiban kek Tuhan," kato Mang Bon.
"Kiro-kiro nyo, kalu ndak mati tu dak usah lah sakit lamo-lamo. Duit abis, keluargo litak ngurus, dokter bosan nengok. Nah yang sakit dak bisa apo-apo. Cak itu dak, Yat," nyambung lagi Mang Bon.
"Nah, cak itulah. Intinyo, pas kato Tuhan nyawo kau aku cabut, dem, mati langsung," kato Mang Yat.
Mang Bon tekikik-kikik.
"Kalu cak itu, balik-balik kendak Tuhan tu lah, Yat. Nyo yang punyo hak kek nyawo manusio. Teserah ndak dibueknyo kito mati cak mano. Kito tu lah yang bedoa, mintak-mintak mati caro enak. Cak kato kau tadi," kecek Mang Bon. (**)
  • Komentar via G+
  • Komentar via Facebook
Item Reviewed: Mati Caro Enak Rating: 5 Reviewed By: Radar Pat Petulai