Friday, 23 September 2016

Makonyo Jangan Mudah Goyang

Teh Kocok RPP
PAGI ko, Mang Yat baru muncul di warung teh kocok Wak Utet di belakang Bang Mego. Ruponyo berapo ari idak muncul, sibuk ngantar penumpang ojeknyo yang banyak nian kalu pagi-pagi.
“Wak, aku ndak makan lontong,” pesan Mang Yat kek Wak Utet. Laju langsung duduk kek Mang Bon yang la nyeruput teh kocok sambil baco koran RPP.
“Amaaan..” kato Wak Utet langsung buekkan pesanan Mang Yat. Dak lamo pesanan sampai.
“Ke mano kau baru muncul?” tanyo Wak Utet.
“Penumpang pagi rami nian, Wak. Idak diantar, sayang pulo nolak rejeki,” jawab Mang Yat.
“Betuuuul,” kecek Wak Utet.
“Kini partai baru besiap-siap, Yat” kato Mang Bon.
“Besiap apo, Bon? Banyak lagi parpol ko kelak,” kato Mang Yat.
“Belum tentu. Diperipikasi dulu kek kementerian berwenang. Kini tobo ko masih besiap,” kecek Mang Bon.
“Kalu banyak, bingung pulo masyarakat,” kato Wak Utet.
“Iyo nian, Wak. Kadang la yakin ndak milih yang iko, tau-tau ado yang baru, goyang pendirian. Laju mbasing mili tu,” Mang Yat nyelo.
“Namonyo bedemokrasi, Wak. Nah, Yat. Makonyo jangan mudah goyang. Kalu mudah goyang tu lah laju mbasing,” kecek Mang Bon.
“Kalu la ado yang sesuai, yo udah yang itulah ajo. Biar ndak banyak yang baru, warna baru, yakin kek pilihan pertamo,” kato Wak Utet. (**)
  • Komentar via G+
  • Komentar via Facebook
Item Reviewed: Makonyo Jangan Mudah Goyang Rating: 5 Reviewed By: Radar Pat Petulai