Korupsi tu cak Narkoba, Nyandu

Teh Kocok RPP

"Ngapolah korupsi ko, makin banyak yang ditangkok, makin banyak pulo kasusnyo, Yat?" tanyo Mang Bon kek Mang Yat yang lagi mantap nian ngunyah pisang goreng di warung teh kocok Wak Utet di belakang Bang Mego tu, pas sudah baco berita eksekusi tersangka korupsi pembangunan Pasar Ate.
"Mungkin banyak yang ndak kenai tangkok, Bon," jawab Mang Yat. Mbasing nian jawabannyo.
"Ah, kau ko. Kalu la makan pisang goreng, dak ingek apo-apo lagi. Maso karno banyak yang ndak kenai tangkok," kecek Mang Bon.
Mang Yat minum air putih sebentar. Udah tu.. "Lah, kan enak kalu ditangkok. Masuk penjara, idak ado kerjo. Cuman makan tidur ajo. Makanan ado yang ngantar, banyak yang datang nengok. Apolagi kalu baru masuk. Apo idak enak cak itu tu?" kato Mang Yat. Kini Mang Bon diam.
"Iyo jugo, yo," nah, kan, agak goyang, Mang Bon dengar jawaban Mang Yat. Hihihi..
"Eh, tapi kan banyak yang terancam, Yat. Cak dugaan korupsi Pasar Ate ko. Ado yang PNS, ado yang anggota dewan. Itu kan sebenarnyo rugi jugo, Yat. Maso ndak. Kan selamo ko la enaklah jadi PNS, jadi anggota dewan," Mang Bon belum yakin nian ruponyo kek pendapat Mang Yat.
"Enta jugo kalu yang itu, Bon. Cuman kalu nurut aku, orupsi tu cak narkoba, nyandu. Jadi Bon, sekali kau korupsi, laju berhasil, nah, kau jadi ndak terus. Dak kau ingek lagi korupsi tu duso, bisa disel. Pokoknyo la kelema'an," kato Mang Yat.
"Kalu cak itu, jangan pernah nyubo, Yat. Cak narkoba lah, jangan pernah nyubo. Betul dak tu?" kecek Mang Bon.
"Nah iyolah tu, jangan nian," kecek Mang Yat. (**)

Teh Kocok 08:43:00